.jpg)
National Highway siamhna thawktu NHIDCL te hna chhe lutuk ni a sawi chu nimin khan AOC Veng khawtlang hruaituten an enfiaha, an hna a chhe hle tih an sawi a, hman deuh khan Lawngtlai leh Kawlchaw inkara lungrem chhe lutuk chungchangah CYLA chetchhuah ngai khawpin hnathawktuten hna an thawk chhe tawh bawk a nih kha.
Chhimlamin kawngpuitha a mamawhna hi a lianin, kawng chhiat vanga mipuiin an tawrhna hi a rei tawh hle a, kawngpuitha an neitur hi mipui an lawm viau laiin, hnathawktuten duhdah taka an thawk ni a ngaihtheih a an hnathawh hmuhtur a awm thin hi a vanduaithlak takzet.
Kawngpui siamtute hi endiktu mumaltak nei a thawk an ni a, hetiang karah engatinge hetianga lungchhia an hmantheih tih lai hi a mak takzet a, AOC veng ten hnatha a thlak tur a an phut hi thil tih ngeitur a ni a, hetianga hnathawktute vila enpui reng hi mipui lam tan a buaithlaka, thuneituten ngun zawka hnathawh hi an vila, enfiahtu an din hial a tulin a rinawm.
A thuhrimah kawngpuitha kan duh luatah mipui thikthu hi Company lakah hian a chhelovin, an hnathawh enliam mai hi a awm nual a, an leivung paih vanga harsatna thleng zozaite, luitui bawlhhlawh leh nungchaten an tawrhna hi nasatak a tling a, hetiang zawng zawngah mipui lamin dawhthei taka an enliam laia, an hnathawh lehzel a chhe hle tih khawtlang hruaituten an hmuchhuak hi ngawihbo emaw, enliam emaw chi niin a lang lova, AOC Veng huamchhung lovah pawh an hna hi zau zawka enfiah nise a duhawm ngawt ang.