AOC veng Village Council leh Young Lai Association AOC Veng Branch hruaitute chuan tukin zing khan an veng huamchhunga NHIDCL in National Highway an siam a hnathawh thenkhat a hmunah an enfiaha, kawngsira lung an rem chu lungchhia an hmang nasa tih hmuchhuakin, heng lung hi ruah a sura, nisa in a em leh hnuah awlsam taka kehsawm thei mai a nih vangin a himlo hle tih khawtlang hruaitute chuan an sawi.
Lungrem hrim hrim chu a innghahna (Foundation) a thuklo lutuk chu ngaimawhawm an tih thu an sawi a, ruah vawihnih khat sura, tuihawkin lungrem innghahna a thuah lang thei nghal mai chuan a himloh zia a tilang niin AOC veng khawtlang hruaitute chuan an sawi.
Culvert siam pawh, a thlanglamah tuihawk luanna tur mumal taka siam a nihloh vangin tuihawkin culvert thlanglam a hawrh nghala, kawngpui tan a himlo hle niin an sawi bawk.
AOC veng, Village Council leh YLA hruaitute chuan NHIDCL hotute hnen ah vawi engemawzat, AOC veng huamchhungah hna tha taka thawk tura an lo ngenna leh, tanpui theihna an neihah an khawtlang an inhuam thu an lo thlen thinte chuan awmzia a neilo chu pawi an tihthu an sawi a, NHIDCL chuan AOC veng, Lawngtlai huamchhunga an hnathawh chhe lutuk chu a nihdan tur angin, hna tha leh tlo zawka thlak vek turin an ngen a, Khawtlang hruaitute leh veng mipuiten an vil zuizel dawn tih sawiin, an ngennain ngaihpawimawh a hlawhlo a nih chuan an thiamdan anga hmalak chhunzawm an tum
Tags
News