.jpg)
Myanmar ramchhung Rakhine State lamah tunlai hian bungrua, a bikin eichawp lam leh Oil thawnluh a nasain, Lawngtlai ah pawh bungrua lakkhawm vanglai chuan thimhlim atangin Bazar velah chuan lirthei tlan harsa khawpin a chep a, hetiang tho hian Oil Filling Station lam pawh an lun viau thin a, thenawm rama chengten an mamawhna a sanga, dan a ni emaw dan a nilo emaw lam tuntumah hian sawi kan tum a nilova, helam chu thuneitute hmalakdan ah a innghat turah ngai ila.
Sumdawngten an bungrua a hlawma hralhna tur a nei hi a lawmawma, mipuiin a zar kan zona lai hi a tam thei viau thin, sum lengvel a tam na na na chuan khawpuiin hma a sawn ngei ngei thin a, hetianga bungrua engemawzat thawnluh a nih rual hian, mipui tawrhna thleng thei zawnga kan neihsa thenawmte pekvek lam chu tute duhdanmah a nilo tih a chianga, hetihrual hian a viltu deuh awm erawh a tul a, ramdangmi rawn huangtauta riau a lang theite pawh hi nakinah kan tana thilthalo pawchhuaktu a nithei tihte pawh kan hriat a tula, mahni inveng ran chunga he sumdawnna hi kalpui a pawimawh viau ang.
Chin State atangin ruihhlo leh thil dang eng eng emaw a rawn luh nasa a, Lawngtlai District hi a paltlang nasat la nilo mahse, a paltlang theihna remchang inhawn zauna District a nihna lai a awm a, helam Rakhine State lam nen kan inpawh tak viau hnu hian invendan chikima inven erawh ngaihpawimawh ber ah neih a tul awm e.