Rial nasataka tlain Sangau khua a nuai, In engemawzat a dengchhia.

Pu FC Vanlalzawna, Editor Chhawkhlei Times hnen atanga thu kan dawndanin, vawiin Dt.2.4.2024 tlai dar 3 pm vel khan Sangau ah rial nasa takin a tla a, rial tla hian Sangau khawchhung a in engemaw zat chu a chung khuhna rangva deng chhia in rial tla in inchung rangva a den chhiat hi atam hle a, tun dinhmun ah engzat chiah nge a den chhiat hriat theih ala ni lo. In chung chhia (pawp) zingah hian Sorkar quarters' te pawh a awm nual bawk.

Rial tla hi anasa hle a Sangau bazar Vengthar Kawn a rial tla tlingkhawm chuan motor titangin motor thenkhat chu helai bazar ah hian tlantlang thei lovin an tang a, Excavator hmanga thenfai hna thawh angai hial a ni.

Rial tla Vengthar Kawn bazar a a inhnawhkhawm avang hian rial tam tham tak chu Pu H.Lalremruata leh Pu H.Tialirha te in ah luang lut thla in an buai hman hle a, Sangau YLA leh mi tlawmngai ten mimal in a rial luanglut leh inhnawhkhawm hi an thenfaisak nghal a ni.

Sangau a rial nasa taka tlate hi an lian hle a, artui tia dawn dawn te an ni hlawm a ni. Rial tla avanga nunna chan an awm hriat a ni lova, amaherawhchu chenna in chung tamtak a den chhiat avangin nunphung erawh akhaihlak nasa hle.

Bialtu MLA Dr Lorrain Lalpekliana Chinzah (Adviser to CM) chuan chhawmdawlna hmasa atan Inchung chhiate hman turin Sangau khawchhung a YLA Branch 5 awm te hnen ah Silpaulin  bundle khat theuh a pe.