Tunhnai chhovah Petrol leh Diesel bakah eichawp thil chi hrang hrang Lawngtlai District chhung a mi leh District pawnlam a mi, Lawngtlai District paltlangin Myanmar ram chhung, Rakhine State lam ah tamthamtak phurhluh a ni reng a, hemi chungchangah hian nimin April 15 khan Central YLA Office - ah Central Young Lai Association Kumpuan Committee kaihhruiana hnuaiah , District Legal Metrology, LADC Revenue Department leh Lawngtlai District Consumer Protection Association ten Joint Meeting neiin Lawngtlai town chhunga Petrol pump Pali bakah Bungtlang South atangin Petrol leh Diesel thahnem tak Myanmar lamah phurhluh thin a nih vanga mipui ten harsatna an tawh chungchang chu ngaimawhawm an tih thu sawilan niin, Joint Committee Meeting chuan DCSO Lawngtlai leh Lawngtlai DC hnenah mipuite tawrhna a thlenloh nan hmala tura ngen tha an ti.
Nitin eichawp mamawh hrang hrang, tamtham tak nitin Myanmar lama phurhluh thin a nih vanga mipui tawrhna thleng palh maithei awm ni a hriaiin, Joint Meeting chuan thuneituten hma la thuai se an duh thu an sawi bawk.
Hetihlai hian vawiin khan Central YLA Kumpuan Committee chuan ngenna siamin, thenawm rama Oil leh bungrua thawnluh chu mipui himna leh khawsak phungah harsatna thleng palh thei a nih theih vangin vawiin atangin tiamchin awmlovin Myanmar a Oil leh bungrua thawnlut thinte chu tawpsan turin an ngen.