.jpg)
Lawngtlai District a inthlanna neih thin ah District Council inthlan leh Village Council inthlanna ah a tlangpuiin Vote a tla tha a, Assembly inthlanna pawn ngaihpawimawh a hlawh viau a, M.P inthlanna ah erawh Vote tla a tam lemlo thung thin.
Heng VC, MDC leh MLA te hi chu mipui nen inngheng reng an nihna hian inthlannaah pawh ngaihpawimawh a hlawh tih a chianga, an zar pawh khawtlang, veng leh mimal ang a zotu pawh an awm thluah thin.
Ram leh khawtlang hruaitute hian mipui hnen an thlenloh chuan ngaihpawimawh an hlawh har viau thin a, Lok Sabha inthlanpuiah pawh, khutah Delhi lam a rorelna dawhkan kiltur daih ni a ngaihna hian ngaihpawimawh a hlawhlo deuh em aw, a tihtheih a, heiaimah hian MP te hian District khawpui tinah emaw, District tinah engemaw tal an hun chhunga rothil hnutchhiah hi nei thei thinsela chuan, chu chuan Lok Sabha inthlanna pawh hi mipuilamah a tlana deuh mai awm mange.
M.P te hian kan tan enge an thawh ? Ramtan enge an taikaina?, a nawlpui ang chuan sawi zut zut thei hlawm mah ila, atak ramah State rethei kan nihna ah an lak atangin engemaw hmasawnna ruhrel beiseina hi a sanga, tute emaw kaihbu ang chauha ngaihtheihna a awm thin vang hian he inthlanna pawh hian ngaihpawimawh a hlawhloh phah thin niin a hriat a, Indian nivelo ang deuh thaw a, India rama khawsa, a zarzotu nisiten Thliarkar rilru kan putna awmve thei hian MP inthlanna hian ngaihpawimawh a hlawhlo deuh thin em aw, a tih theih bawk awm e.
Vote thlakhi kan dikna chanvo a ni a, Vote thlakloh hi keimahni thu a nih rualin, mipangngai tan chuan Vote thlak hi ram tana ke kan penve theihna hmanrua tangkai tak a ni tih erawh kan hriat reng a tul awm e.