He hunah hian CADC Chairman, Pu Mohan Chakma chu khuallian niin CADC Secretariat Building thar kawtah Dr. BR. Ambedkar zahna chibai bukin a lim hma ah pangpar a dah a, CADC Secretariat Chawngte ah lawmna hun an hman chhunzawm a ni.
Khuallian, Pu Mohan chakma chuan India danpui siamtu ber, Dr. BR. Ambedkar leh Babasaheb chu hnam tlem zawk keini Chakma te nunphung humhalh leh hmasawnna tur kawngah ruahmanna tha tak nei a, Autonomy sawrkar hial kan nei thei hi a lawmawm tak zet a ni a ti.
Chakma te zinga kan hruaitu hmasate, Pu Mediya Chakma, Pu Baneshwar Chakma, Pu Hari Kristo Chakma, Kristo Mohan Chakma leh Pu Atul Chandra Chakma te hmalakna leh thawhrimna avangin vawiin hun tha tak kan thleng thei a ni a ti. Khuallian Pu Mohan Chakma chuan, CADC ah hian hnam hrang hrang Chakma, Tongchangya, Bawm, Pang leh Bru te kan awm a, inrem taka hnam hrang hrang kan awm khawm thei hi CADC ti hlu zualtu a ni a ti bawk.
Khuallian chuan CADC hmasawnna hnathawh hrang hrang sawi langin, SASCI hnuaia kawngpui siam leh RKVY leh NEC hnuaia Agriculture hmasawnna te sawi langin CEM leh kan MLA Zahawm tak Pu Rasik Mohan Chakma hmalakna chak tak hi hmuh theih in alang a ni a ti. Thalai te chu Social Media hman danah atha zawnga hmangin thudiklo thehdarh lo turin a fuih a, CADC pumpui hmasawnna atan pawimawhg tak chu, dikna, inpumkhatna leh midangte chunga duhsakna lantir hi a pawimawh tak zet a ni a ti.
CADC Day lawmna ah hian CADC a hruaitu leh oficial pawimawh tak tak te, khawtlang hruaitu, tlawmngaipawl leh Village Council hruaitu pawimawh tak tak te an tel a ni.
Tags
News