Addl. DC Pu Abraham Beirazi Khithie chuan MNF leh Sawrkar laipui inremna avang a Peace Accord siam a nih dan sawiin State dinhmuh luah tur a Mizoram mipui tawrhna te, huaisenna leh inpeknate chuan thangtharte thinlungah ram leh hnam hmangaihna pian chhuah tir zel se a duh thu a sawi a. Kum 20 chuang rahbehna hnuai a awm tawh kan nih avangin zalenna leh ralmuanna hlutzia hrechiangtu kan nih theuh thu Pu Abraham-a chuan sawiin ram thenawm a buaina avanga thlamuanna rawn zawng a kan State bel a raltlan rawn lutte tuamhlawm thei a kan awm chu ropui a tih thu a sawi bawk.
Pu H.Liantluanga, President, MUP leh Pu K Hrekung, MDC ten thuchah an sawi bawk.
Vawiin chawhnu lam khan Central YLA Playground ah a huhova Pathian fakna hun buatsaih niin, he huna tel te ram tan an tawngtai a, hun thum ah thenin, tawngtai thupui thlanbik hmangin kalkhawm ten Pathian tanpuina an dil a, sual thupha chawiin, ram leh hnam chu Lalpa duhdan a a kaltheih nan Pathian tanpuina an dil.