Electric Veng VC te mawhphurhna hnuaia he In saknan hian Rs. 4,32,000/- sen a nih thu Techical Report ah tarlan a ni a, In hi a thlanglam a zauh theihtur a ruahman a nih bak ah, a chung lam leh hnuai lam ah sakchhunzawmtheih tur a ruahman niin, a dung Feet 24 a vang feet 15 a ni.
Pu K.Laldinmawia VCP in a sawidanin, he In sak nan hian, a hunlaia Deputy Speaker Pu H.Biakzaua leh bialtu MDC Pu T.Lalengmuana te, veng mipuite inpekna a nasa tih sawiin, khawtlang tanrualna vanga he Building hi luahtheih a puitlin a ni.
.jpg)
He Building hawngtu Pu T.Lalengmuana chuan Electric Veng mipui te tanrualna chu kawng hrang hrangah entawn tham a tling tih sawiin,Faina lama hmalakna te, veng chhunga hmasawnna hna thawh leh veng inrelbawl dan ah veng entawntlak an nih thu a sawi a, Electric veng chu Sorkar hmunhma tamna, thawktute pawn an belh ber a nih vangin Sorkar neitu leh thawktute mikhualtu an nih vangin khua leh District hmel lanna atan veng paiwmawh tak a ni a ti.
Bialtu MDC chuan veng chhungah hmasawnna hna hrang hrang pawh a la lut zel dawn a, veng mipui ten Sorkar an thawhpui tlat chuan hmasawnna duhawm zawk pawh a awmzel a beisei thu a sawi bawk.
Vawiin Aganwadi Centre a hmantur atana hawntak hi LIKBK Electric Veng Bial In bul, DAO Office panna kawng peng bula sak niin, Sorkar lamin Anganwadi Centre tur a hrana a la neihloh vangin, veng in a mamawhna a san em vangin Anganwadi Centre atan hman a ni rih dawn tih khawtlang hruaitute chuan an sawi.