.jpg)
Mizo te aia Tawngtai tam hi kan tamlo maithei, chawei dawn a tawngtailo phei chu Mizo zingah an tam vaklo ang. Tawngtai hi Pathian pawlna thaber, Lalpa nen kan inbiakpawhna, kan duh kan thlen a, dil ngai kan tih kan dilna hmanrua a ni a, thlahthlam chi a nilo.
Nimin mai ah Ram tan kan tawngtai rual a, mimalin mahni a tawngtai a Lalpa an dawr tlauh tlauh laiin, a huhova tawngtai pawh hriattur a awm reng a, Kohhran huangchhungah pawh a huhova tawngtai hi kohhran kalphung nghet a chhiar theih a ni ang.
Kan duhna te Pathian hnen ah kan thlen thin a, chu chu kan tihtur chiangsa a ni, Ram leh hnam tan kan tawngtai fova, kan tawngtaina hian awmzia neitalo riaua ngaihna te pawh a lianchho ve hret hret a, beidawngtur erawh kan ni hauh lova, Pathian hi kan duhzawng chauh thlenna tur a ni lova, a malsawmna dawng tlak leh kan tawngtaina chhan tlaka keimahni lam kan insiamrem a ngai a, kan dil a, kan dil dik siloh chuan chhanna kan hmu tak tak dawnlo tih pawh kan hriatsa a ni.
Sualsim ka duh ti a Lalpa au reng chunga, sim tum silo tan Lalpa a auhna chu chhan ngaihna a vang viau ang. Ram kan veia, ram tan kan tawngtaia, Lalpa hruaina kan duh takzet a nih chuan a hruai tlak in ram hruaitute leh mipui an awm a ngai, kan tihve tur lam hlamchhiaha, sualthupha chawifo te hi simna a kentel siloh chuan awmzia a neithuilo ang tih a hlawhthawnawm thin.
Kan Pathian hian a mite tawngtaina a chhang thin a, a rinhlehawmloh, theihtawp chhuaha Lalpa auh hi tute pawn kan tihtur chiangsa a ni.