Vawiin khan DC Conference Hall, Lawngtlaiah District Road Safety Committee chu thutkhawmin Lawngtlai District ah Road Safety Month hman mek a hma lak dan tur hrang hrang an sawi ho.
Thutkhawm hi Pu Abraham Beirazi Khithie, Addl. DC-in kaihruaiin Pu Denny Lalchhuanawma, District Transport Officer chuan thu rel tur hrang hrang sawi zauna hun a hmang
Lawngtlaiah District Road Safety Committee thutkhawm ah hian February ni 12 zing dar 7:30-ah Areopagi hmun ah Road Safety Month pual a hun hman tur a rel niin zirna in hrang hrangah lirthei khalh chungchang a dan awm te inzirtirna hun buatsaih tum a ni a. Hmun hrang hrang ah lirthei document pawimawh leh license endikna kalpui a ni bawk ang. Autorickshaw, Taxi leh Maxi cab khalhtute zingah dan ngai pawimawh leh zawm tha thlan chhuah a lawmman pek nise an ti a, Lawngtlai Traffic Police hna thawk tha hnen ah chawimawina hlan ni se an ti bawk.
Tags
News