District Jail, Lawngtlai a tangte,an rilru leh taksa hriselna endiksak an ni.

District Legal Services Authority, Lawngtlai bultumin vawiin khan District Jail Lawngtlai ah Jail tang leh anmahni enkawltute rilru leh taksa   hriselna endiksak an ni.

Inentirna tan hma a inkhawm tawi buatsaih ah, Chief Judicial Magistrate, Pi Jothansangi Tlau chuan National Legal Services Authority chuan Jail tangten taksa leh rilru hrisel an neih theih nana hmalak chu a ngaipawimawh hle tih sawiin, hmalakna kalmek ah District Legal Services Authority Lawngtlai chuan District Jail a tang mekten taksa leh rilru hrisel an neih theih nan a an dinhmun enfiah chu kalpui a nih thu a sawi a, District Hospital Lawngtlai nen tangkawpa hmalakna kalpui a ni chu lawmawm a tihthu a sawi.

Pi Jothansangi Tlau, CJM Lawngtlai chuan Dan chuan Jail tang an ni emaw, rualbanlo pawhnise mihring an nihna a enkan thianglo tih sawiin, a theih ang angin District Jail tangte hmakhua pawh District Legal Services Authority, Lawngtlai chuan a ngaihven reng a ni a ti.

Vawiin a District Jail, Lawngtlai a inentirna hun buatsaih ah hian District Hospital atangin, Dr.Zothanpari Ralte,  hovin Medical Team ten Jail tang Mipa 27 leh Hmeichhia 1 bak ah District Jail enkawltute   taksa leh rilru dinhmun an endiksak a, an mamawhtur damdawi a thlawn a pek an ni bawk.