Central YLA hruaituten CNA hmunpui pakhat Camp Victoria an tlawh.

Chinland lama kan unaute sawmna ngaipawimawhin Central Young Lai Association hruaitute leh YLA Sub Hqrs , Sangau leh Bualpui 'Ng' hruaituten  Chinland hmunpui (Chin National Army) hmunpui pakhat leh hriatlar tak Camp Victoria chu tunhnai khan an tlawh a, February 4, 2024 Pathianni kha hmanpuiin, chawhma lam ah an inkhawmna ah telin chawhnu lam ah an hotute nen an inkawm.

Ramri kana pawikhawihna Mizorama a thleng thin chu tihtawp a nihtheih nan theihtawp chhuahdun tha an ti a, hmalakdan tur engemawchen an duang.

YLA hruaitute chuan  Myanmar atanga ruihhlo leh danin a khap thildang Mizoram (Lawngtlai District) a  lolut thin chu an ngaimawh thu leh tihtawp a nihtheih nan tanhona tha a pawimawh tih an sawi a, hmalakdan turte duangin, theihtawp chhuaha tanho nise an ti a, Myanmar atanga raltlan Mizoram a lutte enkawldan leh tulpawimawh hrang hrangte an sawiho bawk a, 

Central YLA  hi an President Pu HC Vanlalruatpuia'n hovin Office Bearer te an kalkim a, an vaiin Central YLA Team hi  mi 16 an ni. Camp Victoria ah hian Chinland President leh Army General Secretary ten an lo dawngsawng.

YLA hruaitute hian Buhfai leh chawhmeh lam chi engemawzat Chinland hotute hnen ah hian an hlan.

Camp Victoria hi Champhai District, Farkawn atanga Kilometres 10 vel, Myanmar ramchhung, Tiau lui kama awm a ni.