VBSY neih mek ah Prabhari Officer in Paithar a Yatra neih a hmunah a tlawh.

Vawiin khan Lawngtlai District a Viksit Bharat Sankalp Yatra neih mek chu Paithar khuaah Lawngtlai leh Siaha District Prabhari Officer, Pi Rina Sonowal Kouli, Ministry of Education a Joint Secretary Department of Higher Education a hmun ah telpuiin, mipui ten Sorkar in an tana thil tamtak a tihte hriatfiah a hman tangkai chu an chanvo a nih thu a sawi.

Prabhari Officer chuan Sorkar laipui chuan ram mipui ten kawng hrang hranga hmasawnna rahbi an rah theih nan hmalakna hrang hrang a kalpui tih sawiin, heng hmalakna te hian a chhawrtutur a thlen a ngai a, a chhawrtur diktak ten an chhawr a, an tangkaipui a, hmasawnna an neih chu Sorkar in a tum leh duhber a ni a ti.

Lawngtlai District Paithar khua a Yatra neih ah hian Sorkar laipui hmalakna hrang hrang mipui hrilhfiahin hriatfiahloh an neihte mipui atangin an zawta, a changtu Department ten hrilhfiahin hlawk takin hun hman a ni.

Prabhari Officer hian vawiin tlai khan Circuit House Lawngtlai ah Viksit Bharat Sankalp Yatra Lawngtlai District a neih mek chungchang ah Sorkar Department hotute a kawm a, hmalakna kalpui dan te sawilan niin, Lawngtlai DC Pu Joseph H.Lalramsanga hovin hmalak tawhdan leh hmachhawp an neihte Prabhari Officer hi hrilhin harsatna an neihte sutkian dantur an sawiho.