LADC Office kumin tan hawntan a ni a, inhlantharna hun hman ani.

Vawiin khan  Lai Autonomous District Council,   chuan kum 2024 atan Office hawngin    inhlan tharna hun LADC Main  Complex-ah an hmang

Pu V.  Zirsanga Chief Executive Member, LADC chuan   , thawktute leh a thawhpuite  kumthar chibai bukin duhsakna a hlan a, LADC hnuaia thawkte chu   Conduct Rules   ngaih pawimawh tura chahin, Sorkar hnathawkte chu  dan hnuaia awm an ni tih hriaa  fimkhur taka awmturin a chah.

LADC a Chief Executive Member chuan LADC hnuaia thawkte chu pawimawhbik leh pawimawhlo bik an awmlo tih sawiin, an hna theuh chu hna pawimawh a ni a ti a, mahni hna rinawm taka thawkte hian a chhawrtu Sorkar tan mitangkai a ni thin a, an hna pawh a zahawm thin a ti a, kumthar ah insiamthat ngai laite insiamtha in, ram tan theihtawp chhuah a tan la tharin thawktute a chah.

LADC a Chairman Pu VL. Hmuaka,pawhin thusawiin, LADC hian nasa takin hma kan sawna,  thawktute thawhrimna ah lawmthu kan sawirualin hma sawn zel tur erawh kan ni, dan siam kawngah hmasawn kan ngaia, dan zawm kawngah pawh hma kan sawn a ngaia, eng thil pawh ti ila, dan kan zawm hian a him a ni  a ti.

He kumthar in hlanna hi, Pu K. Lalramliana, Executive Secretary, LADC chuan kaihruaiin, Rev Dr.LH. Lalpekhlua AGS (S) LIKBK chuan hunserh hmangin fuihna thu a sawi bawk.

Inhlantharna ah hian kum kalta leh kumina, LADC hnuaia thawk, chatuanram pan te  sunna hun hman a ni a, Kum 2024 atana thawktute in hlantharna hun hmangin he huna telte a huhovin an tawngtai.