Vawiin khan Dr.Lorrain Lalpekliana Chinzah, Lawngtlai East Bialtu MLA, Adviser to Chief Minister chuan MNF District Hqrs Thalai President leh Lawngtlai District Village Council Association President nibawk Pu Elvis Lalthangzuala chu ZPM party ah a lawmlut.
Pu Elvis Lalthangzuala chuan, Mizoram ah a vawikhatna atan MNF leh Congress ni lo party thangduang tak ZPM in sorkarna an siam ta chu ‘Zoram in hmelthar a hmuh ngei’ a beisei thu a sawi. Mithiltitheite chauh inhaivurna tur sorkar nilo, zoram mipuite tan huapzo sorkar thar ah hian beiseina sang tak a neih thu leh dikna hmanga rorelna kalpui anih theihna tura hma an lak ngei pawh a rin tlat thu a sawi a, ZPM dinchhan kan hriat lar ber ‘Kalphung thar, mipui sorkar’ tih piah lama ‘Zoram ah Politics khelh dan thianghlim lan tir’ tih thupui neitu ZPM party hi thalai ten an bawhzel atan pawh tha a tih thu a sawi.
MLA inthlan neih zawh takah khan ‘sum ngah ngah hmeltha’ ti dawn ta ila. ZPM tan sorkarna chance an neih loh thu sawiin, mipuiin ‘Zoram ah politics Thianghlim lan tir ‘ tih thupui neitu ten hneh takin sorkarna an siam thei hi zoram mipuite’n rinna an nghat ngam tih hairual ani lo, a ti a kalphung thar tih hi inthlan lai atang tawh khan kan hmu a, hetiang anga zoram hmel ti danglam thei tur ZPM party ah hian ram leh hnam tana rawngbawl turin rilru ka siam fel ta ani, a ti.
Mizoram a kan Chief Minister nei tawh ten corruption an do avanga inthlan leh pawha tla ngam khawpa huaisen an awm loh laiin tuna kan Chief Minister chuan a ngam tlat hi ropui a tih thu leh belh tlak ni a, a ngaihthu a sawi bawk.
Pu Elvis Lalthangzuala chuan, ZPM hi kan ram siamtha tura intiam leh mipuiin rinna an ngah mekna a ni a ti a keipawhin ZPM anih hrim hrim na lam aiin, ram siamthat tumte awmkhawmna anih avangin thalaite tan belh tlak a ni tih ka hria a, he party thangduang tak hmang hian Mizoram hian hmelthar a hmuh ngei ka beisei a ti.