Editorial || SOCIAL MEDIA AH THU KAN NGAM MAH MAH EM ?.

Media thanna a nasaa, inkhap hleihtheih a ni lova, a hmangtu lamten Media awmzia hriaa, fimkhur zawka kalpui erawh a ngai tih a chianga, a bikin chanchinthar thehdarh kawngah thehdarh hmasatu nih chaknate, kan news chhiar leh entu tamse tih duhluatah dan bawhchhia emaw thu belhchiandawllo hmanga mipui fuihpawrh emaw a thleng awlsam hle tih hi hriatnawnfo atan a tha viau awm e.

Thil engemaw thleng a awmin, mipui titi leh rindan, thil finfiah awm lemsilo, rang taka thehdarh ngawtte hi a himlo tih hriat a tha a, tunhnai maiah pawh Myanmar lammite nunrawnna vanga tualthihna thlengah, a tirlamah engmah finfiah awmsilovin, Social media lam ah rinthu leh ngaihdan thehdarh nasat vangin mipui lamin pawikhawihtute nihna an hriatchian theihloh piahlamah, pawisawivelote huatna a thlen phah lek lek a, khatiang thil khan pawisawilote tawrhna nasa zawk pawchhuakthei a ni tih pawh a chiang awm e.

Chanchinthar thehdarh kawngah, kan kutah Smart Phone kan huma, a humtute kan Smart a pawimawh. kumtlinglo thlalak tarlan ngawtte hi thubuai awrhzuilo mah ila, dan bawhchhiatna a ni tihte hi sawinawnfo ngailovin, Social Media hmanga Chanchinthar thehdarh thinte chuan an hretura ngaih a ni a, Social media lamah hian thu hi kan ngam mah mah em aw tih hi zawhna liantak a ni thei awm e.

Kan Journalist ten kan inunauna te kan inpumkhatnate a chhiatpalh theihna awm tur ang chi ah fimkhur taka thlir chungin mahni hlawkna um lova an  kallai hian, Chanchinthar thehdarh hi lo tawngpawng basangam viau ringawtte pawh         hi khua leh veng, ram hmel tibaltu an ni thuai thei tihte pawh an inhriat a tul awm e.