.jpg)
Helai Column ah hian kan dah zeuh zeuh a, ngaihpawimawh a hlawhlohzia a hriat a, kan sawilawkte erawh a thleng dik chho nualthunga, Raltlante awmzeneia enkawl an tul a, hetiang em em a ramri a zalen hian tawrhna nasazawk a thlen ang tih pawh a hlauhthawnawmna hi a rei viau tawh.
Raltlante hi an sualveklo tih a chiang, helam hi sawi sawi ngailova thil chiangsa a ni, hetihrual hian Raltlan behchhana thil duhawmlo thleng, mipui nawlpui beng thleng silo pawh hi a awmnual thei mai awmmange tih chu ngaihtuah tham a tlinga, kan ramchhungah ngei khawtual mi nunna minlaksak duh khawpin thenawma khawsate hi an huangtaua, an nunrawnna rah sengtuah a ramneitu kan tangzuizel ang tih a hlauhthawnawm takzet.
Myanmar ram a buai nasat zuallai pawh khan, ramri kanin an veitawn reng tih hriat a ni a, Sorkar hian ngaimawhnise hmalakna a awmdaih tawh tura ngaih a ni.
Tuna raltlan kan kawlmekte pawh hi an sahimnan a la kawl nge kan nih a, an rama eizawnna a harsat vanga helaia inbengbelzuita mai an nih tihte pawh chhuichian tham a tling in a rinawm.
Keinin Raltlan, Raltlan ti a kan enliam lai hian, kan unaute an ni emaw nilo emaw, chenna ram inanglo, seilenna khua leh inkhuahkhirhna hran kan nihna ah, kan zia a inanglovin, zahngaihna kan neihdan pawh inthlautak a ni tih a chiang, kan unaute tiin kan tuamhlawma, anni hian unauah min ngai ve em ? An sahimnan leh tlanchhiatkual nan bak a min mamawhlo, kan chunga hleilen hreh miahlo hmuh hian Raltlan zawng zawng hi kan hmuh hun a hla vak tawhlo maithei, tunang renga an khawsak chuan.
Kan NGO te mangantawpa kan au leh ringawt thinte hi a fuhberlo ang, hmalatheitu Sorkar hian hetiang ngawt hi chuan Raltlan te hi enkawllose, ramri zalen lutuk pawh hi vei rawh se, chuchuan kan in unauna a tihchhiatna tur lam aiin, kan tawrh fova unau leh unau intualvuakna hial a thlen palh a hlauhthawnawm zawkin a hriat.