Mizoram chhungah rampawn atanga Drugs tawlh ruk leh Smuggling kalpui thin an awm ngei tih hriat a ni a. Lawngtlai District pawh heng dan lova sumdawnna kalpui thinte kawngzawhna remchang anih avangin, heng thil tih tawp nan hian Central YLA Hruaitute leh Assam Rifle te chuan Boundary lut leh chhuak te uluk lehzual a endik thin nise an ti.
Tun hnaiah Mizoram chhungah ramdang mi kut tuara nunna chan hial te an awm tak avang te pawhin ramri lut chhuak chungchangah fimkhur lehzuala hmalak a, mipuite himna tur a ramria endikna kalpui thin nise an ti bawk.
Heng bakah hian Central YLA ngenna in Army Pre-Recruit Training te, Student Tour te leh Zochachhuah- Dumzautlang inkar luia Friendship Bridge siam te pawh 20th Assam Rifle te hian tih hlawhtlin an tum thu an sawi.
He meeting ah hian Assam Rifle atangin Col. Jaswinder Singh, SM hoin Dy Comdt Sasi Kumar leh Maj Pankaj Joyal te an tel a.
Central YLA hi an President Pu HC Vanlalruatpuia chuan hovin, General Secretary Pu Joseph Lalhmingthanga Chinzah leh CEC member pahnih an tel.