Zoram People's Movement
Lai District Headquarters Lawngtlai
Press Release
(No. 46/ZPM-LD/PR-23)
" Mi diklo leh pamham takte nena ruling party nih ho ai chuan, mi dik leh ram hmangaihtute nena opposition nih ka thlahlel zawk. "
- Pu MC. Lalramchhana
President ZPM Lai District Headquarters.
Dated Lawngtlai, 18th December 2023. Vawiin khan kum 2023 atana ZPM party office khárna leh, chhung inkhawm programme hmanna neih a ni a. He hunah hian Pu MC. Lalramchhana, President chuan thusawiin, ZPM party chuan ram siamthat hnathawh kan thupui ber tur a ni a. "Mi diklo leh pamham takte nena ruling party nih ho ai chuan, mi dik leh ram hmangaihtute nena opposition nih ka thlahlel zawk." a ti.
A sawi zelnaah, "Politics hi phuba lakna tur hmanrua emaw, midangte chunga hleilenna tur hmanrua nilovin ; tisa leh thlarau thlenga nghawng thei hmasawnna thlen tura hmanraw pawimawh tak a ni a. Chu hmasawnna chu Zoram mipuite nghahhleh em em chu niin, keini a meichher chhi tute hi midangte tana malsawmna thlentu ZPM worker nih tum theuh ang u. Chu chu kan Pathian duhzawng, Zoram tluana Pathian ram politics lo thlenna tur chu a ni" a ti bawk.
ZPM Lai District Headquarters President chuan, MLA inthlan neih zawh takah kan party in vote kan hmuh dan thlirin ZPM party a enrollment pe lo, ram siamthat duhtute leh, sawrkar tha duhtute vote tam tak kan hmu tih a chiang a. Heng mipuite beiseina hi tih hlawhtlin ngei kan tum theuh tur a ni a ti.
He inkhawmah hian kum 2023 chhunga ZPM Lai District Headquarters in Pathian hruaina kan chan avanga Pathian hnena lawmthu sawi tawngtai rualna neih a ni a. Kum 2024 January 17-a hawn leh turin ZPM Lai District Hqtrs President Pu MC. Lalramchhana chuan office a khar a ni.
He hun hi Pu VL. Rema Hrahsel, General Secretary chuan kaihruaiin, Pu H. Lalramenga Consultant in hunserh a hmang a. ZPM Lai District Headquarters Lawngtlai hruaitute an tel kim tha hle.
' Kalphung thar, mipui sawrkar. '
Sd /-
(SAMUEL LALDAWNGLIANA)
Secretary
i/c Media, IT & Publicity Dept.
ZPM Lai District Headquarters
Lawngtlai.