Assembly inthlanpui neih dawn a, Lawngtlai District, Tuichawng bial a Jarulsury Polling Station a duty tur Polling Party te lirthei chesual a thi 4th IR Constable Z.Lalmuanzuala chu a chhungte hnen ah cheng nuai 15 aia tlemlo Ex Gratia pek a nih theih nan District Election Officer, Lawngtlai Pu Joseph H.Lalramsanga chuan thuneitu sang ah a thlen fel tawh.
November 5 pathianni khan Lawngtlai atanga hmunhla zual a duty tur Polling Party chhuak zingah Jarulsury Polling Party te phurtu Maxicab MZ 07/2427 chu Chawngte piah Udalthana-I atanga Kilometres 6 vel ah chesualhi venhimhna thawktu Constable Z.Lalmuanzuala chu a hmun ah a thi a, November 6 khan District Hospital Lawngtlai ah a ruang endfiah niin hemini vek hian Lawngtlai Chandmary veng thlanmualah vuiliam a ni.
Jarulsury Polling Party te chuanna Maxicab hi kawng chhovah a tanga, a chhunga chuangte chhukin an nawr a, an nawrchhuak mai thei lova, lirthei tawlhlet chu kawngthlang metres 90 velah liamin a hnung lama awm Z. Lalmuanzuala chu in saseng hman lovin a hnawl tel a,nunna a chanphah ta a ni.
Tags
News