Pi Famiangi kum 115(?) in phur takin Vote a thlak.

November 7, 2023 a Assembly inthlanpui neih ah khan Lawngtlai East biala Pangkhua ah kum 115 ni a sawi Pi Famiangi chu Polling Booth a kalin vote a thlak a, Lawngtlai District a vote thlak zingah a upaber ni a hriat a ni.

Pangkhua Village Council Member te hnen atanga The Lawngtlai Post in thu a dawndanin, Pi Famiangi hi a EPIC ah chuan kum 1920 a piang anga ziahluh nimahse, EPIC siamlai vel hian a piankum diktak hriat a nilova, EPIC buaipuitu lam ten an rinthuin a piankum hi an dah mai nia a an hriat   thu an sawi a, Pangkhua khawtlangin Pi Famiangi kum hi an theih ang anga kum upa lam te leh a fate biaa an chhutdanin  kum 1910 hnulama piang chu nitheia an ngaihloh thu an sawi a, kum 115 emaw a aia upa hret emaw a an ngaih thu an sawi.

Pangkhua khawtlang hruaitute chuan Pi Famiangi hian inthlanna hi a ngaipawimawhin vote thlak ngei hi a duh thin tih an sawi a tuntum Assembly inthlanpui neih ah pawh phurtakin vote a thlak tih an sawi.