.jpg)
India hi Kristian ram a nilova, Kristian te tan a helh tur fe fe awm zawng hian ruahmanna hriattur a awm leh thin a, a tuartu lam tan chuan tawrh har tak a ni tih a chiang a, tunah pawh Kristian te Ni pawimawh Pathianni ah Vote chhiar turin ruahman a ni a, a hun sawn tura ngenna pawh a ri chamchi a, awmzia erawh a nei thui rihlo in a hriat.
Sakhaw hrang hrangte inpawh leh zalen taka chenhona ram ah hian Sakhaw zalenna nekchepin a awm tih chu a chiang a, hetihrual hian Pathianni a Vote chhiar hi kan thlawp e tih lam nilovin, Kristiante Ni bik a nihzia te lantirin sawntura ngenna pawh a na viau a, an sawn thei talo a nih chuan helhzui viau tur a awm in a hriat loh.
Vote chhiarna a pawimawhte chu tamtak an ni hran lova, mipui nawlpui nghawngbuai zawngin Vote chhiar Ni hi hmanloh kan tum chuan kawng a awm tih a chiang a, Vote chhiartura ruatte pawh Kohhrana pawimawhbikna nei leh mibikte chu thiamtaka dahawl dan pawh thuneitu lam ten an hre em em tur ah ngai ang.
Kristianna hi pawnlam langthei aia chhunglam nun pawimawhzia lantirtu Sakhua a ni a, heihian pawnlam landan a pawimawh love tihna nilovin, theihtawpin Pathianni a Vote chhiarlo tura ngenna thlen a nih hnu ah a hlawhtlinglo a nih pawn a pawmthiam leh kalpuidan hrethiam ber tur chu Kristiante tho kan ni a, mipuiah Vote chhiar nge kan ngaih pawimawh Inkhawm tih fiahna hmanrua te pawh a lo ni reng maithei a nia.