ZORAM PEOPLE'S MOVEMENT
LAI DISTRICT HEADQUARTERS
LAWNGTLAI, MIZORAM.
Press Release
(No. 41/ZPM-LD/PR/23)
" Zoram nuam, party inthleibikna awm tawhlohna ram i siam ang u. "
- Rev. Dr. K. Lalthanzauva
Sr. Vice President ZPM Gen. Hqtrs., Aizawl.
Lawngtlai.Dt. 24th October, 2023:Vawiin khan ZPM Lai District Headquarters Lawngtlai Office-ah mithar lawmluhna hun leh inhlan tharna hun hman a ni a. Lai Autonomous District Council MDC nilai, ex-MDC, MNF VCP, MNF VC member, Zirlai pawl hruaitu leh midang thahnemtakin ZPM party an zawm.
ZPM General Headquarters Sr. Vice President Rev. Dr. K. Thanzauva chuan thusawiin, "Mizoramah revolution ṭum hnih a thleng tawh a. Chu chu Mizo Union Revolution leh MNF Revolution kha a ni. Tunah hian Mizoramah revolution vawi 3-na (3rd revolution) a thleng dawn a, Zoramthar a piang dawn a ni. A kir tawh reng reng lovang." a ti.
ZPM Sr. Vice President chuan, kan ram kalphungah inthlanna a chaklo zawk party-a awmte tan sawrkarah beisei tur a vang thin hle a, he kan ram hi an tan thlaler ramah a chang thin. ZPM Sawrkar hunah chuan 'Party inthleibikna awm tawhlohna ram kan siam dawn a, mi zawng zawng tana belh tlak sawrkar, mi retheite tana chenfakawm sawrkar kan siam dawn a ni' a ti bawk.
Pu K. Hrekung, MDC LADC pawhin thusawiin, "ZPM thuthlung hian min hneh em em a, ram rorelnaa Pathian ram tun din hi ka thlawp tlat a ni. ZPM in Mizoram hmasawnna tura a duan a policy leh manifesto te hi tha ka ti em em bawk a. Eiruk dona tur kawnga ZPM policy hi a ropui ka ti hle a ni. Mizoramah 3rd revolution hi a thlen ngei ka rin tlat avangin ZPM party-ah keima duhthlanna ngeiin ka rawn lut a ni" a ti.
He hunah hian Dr. Lorrain Lalpekliana Chinzah, Lawngtlai East ZPM candidate, Pu Lallungmuana ex-MDC, Pu Philips Sangchungnunga, Treasurer Mizoram Bru Association leh mi pawimawh tak takin thusawina an nei a. Kalphung thar, mipui sawrkar siam turin Lawngtlai East atangin voters 525 zet lawmluh nghal an ni bawk.
ZPM Lai District Headquarters Lawngtlai mithar lawmluhna hun hi Pu MC. Lalramchhana, President Lai District Headquarters Lawngtlai chuan kaihruaiin, District Headquarters hruaitu, Block hruaitu, town chhung Unit hruaitu leh ZPM members thahnemtak an kalkhawm a ni.
Kalphung thar, mipui sawrkar
Issued by :-
Media & Publicity Department
ZPM Lai District Headquarters
Lawngtlai.