November 7, 2023 a Mizoram State Assembly inthlanpui neihtur ah Lawngtlai District a bial pathumah inthlanna neihtura inbuatsaihna thenkhat vawiin khan District Election Officer, Pu Joseph H.Lalramsanga chuan a tlawh.
Lawngtlai DC hian Vote chhiarna tura ruahman Govt. Lawngtlai College tlawhin, Pu Samuel Lalmalsawma Sailo SDC chuan Vote chhiarna tur hmun Counting Hall tura ruahmante leh Vote chhiarna a mawhphurhna hrang hrang neite awmna tur leh tulpawimawh dang inbuatsaihna kalpuimek te DEO hi kawhhmuhin, bial pathum, Tuichawng, Lawngtlai West leh Lawngtlai East te chu a hrang theuh a chhiar a ni dawn a, Strongroom pawh a hrang theuh a ruahman niin, Central Armed Police ten khauh takin an veng.
DEO hian Election thil pawimawh chhutna hmun pawh tlawhin hmalakna kalmek a enpui bawk.
District Election Officer chuan inthlanna muanawm leh felfai a awmtheih nan mawhphurhna hrang hrang neite chu theihtawp chhuaha an hna hlenchhuak turin a ngen nawn a, Kohhran, Tlawmngaipawl, Political Party leh District mipui tanrualna atangin inthlanna thataka neih ngei a beisei thu a sawi.
Tags
News