YLA LAWNGTLAI VENGPUI BRANCH INFO.
Dated Lawngtlai the 19th October 2023
MTP Tuipui Ferry Branch te hnenah thilpek pe
Vawiin (October 19, 2023) khan YLA Lawngtlai Vengpui Branch hruaitute chuan Chhimtuipui, a bikin Tuipui Ferry vela tuitla an awm apianga tlawmngai taka che chhuak ṭhin leh hah em em MTP Tuipui Ferry Branch te zanriah kilpuiin chhiat thata an hman tur thilpek leh sumfai an hlan.
Vawiin tlailama Tuipui Ferry hmuna hun tawite hman hi Pu V. Lalengvara, Secretary, YLA Lawngtlai Vengpui Branch in kaihhruaiin Pu H. Lalmuanthanga, President, YLA Lawngtlai Vengpui Branch in thutawi a sawi a, ''Lawngtlai leh Siaha aṭanga Chhimtuipui a chesual an awm apianga mahni hna ṭul zawng zawng kalsana tlawmngai taka inpe ṭhin Tuipui Ferry khawtlang leh MTP te hnathawh ṭhin chu a ropui em em a, an inpekna zawng zawng avanga lawmthu sawina leh YLA te nena thawhhona ṭha zawk kan neih zel theihna tura hun hmang'' an nih thu sawiin MTP Tuipui Ferry Branch te hnenah hian Tea Urn (2 Nos), Steel No & thleng leh Tui bottle engngemawzat leh a dahna bakah sumfai ₹.10,000 an hlan nghal a. Programme tawi hman zawh hian YLA Lawngtlai Vengpui Branch te buatsaih zanriah an kilho nghal a ni.
He hunah hian YLA Lawngtlai Vengpui Branch Adviser Pu H. Thanghuta leh MTP Tuipui Ferry Branch President te pawhin thutawi sawiin Pu K. Ṭialtlunga, YLA Lawngtlai Vengpui Branch Adviser in ṭawngṭaina hun a hmang bawk.
Secretary
YLA Lawngtlai Vengpui Branch