Assembly inthlanpui neih tur ah Lawngtlai District a bial pathum a chuhtuma hmingpeklutte vawiin khan endik a ni a, ngaihtuahnawn ngai pakhat a awm
Assembly Inthlanpui neih tur ah chuhtumte tan a hming pekluhhun chu Zirtawpni tlai khan a tawp a, Lawngtlai District a bial pathum, Tuichawng, Lawngtlai West leh Lawngtlai East ah hming pelut 13 an awm.
Hming pekluhte hi vawiin Inrinni khan endik niin, chuhtuma hmingpelut 13 zingah Lawngtlai East a ZPM Candidate tur Nomination paper chu naktuk October 22, 2023 chawhma dar 10 ah ennawn tur a tih a ni a, midang 12 te chu pawm an ni. Dr.Lorrain Lalpekliana Chinzah hi a Proposer zing a pakhat in a hming a sign lo a, hei vang hian vawiin a Scrutiny neih ah thutawp siam theih a nilova, naktuk Pathianni chawhma dar 10 ah ngaihtuah nawn tura dah a ni.