Sorkar thuchhuaha tarlan a nihdanin, nimin chawhnu khan Chhimtuipui, Tuipui Ferry, Lawngtlaiah Daniel V.Lalrinchhana, kum 32, Lawngtlai Vengpui chu chesualin veng hrang hranga mi tlawmngaiten an zawng mek a.
Vawiin khan Pu Joseph H.Lalramsanga, Deputy Commissioner chuan a hmun ah kalin tlawmngai a thawkchhuakte a tlawh a. Pu R.Lokeshwaran, SP, Pu Abrahma Beirazi Khithie, Addl. DC leh Pu Hmingthanzuala, DIPRO ten an tawiawm
DC Pu Joseph H.Lalramsanga chuan Tuipui Ferry-a tui tla zawnna hmun a khawtlang hruaitute kawmin tui tla zawng a thawkchhuakte in tur tui thianghlim leh silpoulin bak ah a tul a piang a hman tur pawisa fai a hlan a. Chhetsualna tawk chhungkuate hnem a, a tul a piang titur a tlawmngai a lo thawkchhuakte chu zo nun ze mawi chawi nungtu leh mizo nih tinuamtute an nih thu a sawiin an hmalak zelna tur ah harsatna a awm a nih chuan DC office chu an inhawn reng tih a hrilh.