Inthlan kaihhnawihah Taxation Department in Sumdawng bungrua an enfiah.

November 7 a Assembly inthlanpui neihturah kawng hrang hrangin inthlanna muanawm leh dik, felfai leh rintlak a awmtheih nan Lawngtlai District ah hmalakna kalpui chhoh zel a ni a, vawiin khan Inthlanna buaipuitur a ruatte Training neihpui an nih bak ah, Postal ballot hmangin vote thlak chhunzawm a ni.

Inbuatsaihna kawng hrang hranga kalpui a nih rual hian State Sorkar hnuaia Taxation Department chuan vawiin khan Lawngtlai a sumdawngte bungrua an efiaha, Election Commission of India chuan inthlanna felfai tak a kalpui a nihtheih nan, Candidate te emaw Political Party leh Campaigner ten dankalh a mipui a semtur bungrua leh thildang sumdawngte hmangin an chhekkhawl leh chhekkhawlloh chu uluk taka vilturin Taxation Department chu mawhphurhna pek an nih angin Taxation Department ,Lawngtlai zone chu   Pi Lalremruati Pachuau,Asst. Commissioner of State Tax hovin Lawngtlaia sumdawng lian zualte bungrua an enfiah a, Sumdawngte bungrua chhekkhawl, vawiin a an enfiah chin ah thilfello leh Election nena inkaihhnawihna awmthei tura ngaih leh rinhleh hmuhchhuah an neilo.

Taxation Department ,Lawngtlai zone  chuan a tuldan angin sumdawngte bungrua enfiah hna hi thawh  chhunzawm an tum.