Lawngtlai District Land Owners Association hian vawiin khan thuchhuah siamin, kum 2010 a kawngpui sialhna tan, KMMTTP ah mimal ram engemawzat chu Forest ram anga rinluh niin, Forest ram Hactare 196.75 a dah a ni a, Forest ram diktak chu Hactare 15.24 a nih thu an tarlang.
Vawi engemawzat ram neitute an mahni ram ah dintirin Joint Verification neih niin, kum 2019 ah Anti Corruption Beureu chuan chhuiin, ram neitu diktak mi 138 hmuhchhuah a ni a, December 8, 2021 ah Gauhati High Court, Aizawl Bench chuan District Collector, Lawngtlai hnen ah ram neitu diktak mi 138 hnen ah zangnadawmna peturin a hriattir tih Ram neitu intelkhawmte chuan sawiin, hetiang a nih mek lai hian Mizoram Sorkar a Environment, Forest & Climate Change Department chuan mimal ram chu an ramah rinlutluiin, harsatna an siam a, heihi miharsa leh rethei zawkte rahbehna ah an ngaih thu ram neitu intelkhawmte chuan an sawi.
June thla chhung hian High Court, thupek angin mi 138 te hnen ah, zangnadawmna hi pek an nih loh chuan, KMMTTP kawngpui a, an ram te chu an duh dan angin kan enkawl zui tawh tur thu an thuchhuah ah an tarlang