Vawin Inrinni khan Lairam Isua Krista Baptist Kohhran Thalai Pawl chuan Thingphun runpui an nei a. Member thahnem tak an thawk chhuak.
Lairam Isua Krista Baptist Kohhran Thalai Pawl leh LADC a Environment, Forest & Climate Change Deptt te thawh dunna bawhzui nan vawin khan Thingtiak phun runpui neih ani a, hemi puala inkhawmna LIKBK Council Veng Kohhran Biakin Hall a neih ah, he hun hmanpuitu Pu K. Lalromawia, DCCF. LADC EF & CC chuan LIKBK Thalai Pawl chuan kum kalta ah te Thingtiak thahnem tak an lo phun tawh tih sawiin, rah duhawm tak a chhuah theihna tur chuan kan thingphunte kan enkawl uluk a ngai ani ati . Pu K. Lalromawia chuan kan rama hmasawnna lo thleng kawngpui sial anih avangte hian kan rama thing leh mau, Lui lam nungchate nasa takin a chereu mek tih sawilang bawkin, Thalai ten tak kan lak nasat angai a, Thingphun hian ram nuam leh boruk tha, Tuihnianghnar min pe tih hria a, kan thingphun te puitling tura enkawl chhunzawm theuh turin kalkhawm te a sawm bawk.
He hunah hian LIKBK Central Thalai Pawl a Secretary Rev, Lalropeka Chinzah hnen atangin report tawi ngaihthlak ani a, kum 2022-2027 thleng tur Five Year Plan atan Environment Protection chu kalpui mek anih thu sawilang in, Thingtiak 10,000 phun tlin an tum thu a sawilang bawk.
He Inkhawm hi Pu Lalmuanpuia, BEC chuan a kaihruai a, Rbt. Benjamin Ramdinsanga kaihhruaina hnuaiah intiamna thu chham rual ani.
Hemi hnu hian Thingtiak phun tura kalkhawm LIKBK Kohhran hrang hrang atangin Thalai Pawl Unit 25 te chuan Tuipui Ferry kawng kamah thing an phun.