Vawiin khan Power & Electricity Department a State Designated Agency for Energy Conservation buatsaihin, Lawngtlai District a Zirna In sawmpakua a Energy Club enkawltu Zirtirtute tan DC Conference Hall, Lawngtlai ah Training buatsaih a ni.
He hun ah hian Chief Electrical Inspector, Er. R.Romawia Sr.SE Electrical Inspectorate chuan thahruai kan hmuh leh hmanmek te chuan ral hun a la nei dawn a, a bikin kawlphetha kan hmanmek chu kan mamawh piahlam ah kan inthlahdah vangin tullovah a ral nasa tih sawiin, kawlphetha renchem chuan sum leh pai tullova kalral a venga, thahruai renchema, khawlkhawm kawngah nasatakin kawngro a su a ni a ti.
He Training ah hian Project Coordinator, State Designated Agency for Energy Conservation Vansangliana chuan zirtirtu kalkhawmte chu Zirna In a Energy Club kalpui dan tur leh hma an lakdan turte a zirtir a, mamawh bak chuangliama a kawlphetha hman in a nghawng hrang hrangte sawiin, heng laka invenga, renchemtaka kawlphetha hman a pawimawhna chu naupangte thinlung ah tuh a tul a, chu chuan inchhungkhur bakah khawtlang mipui ah nghawng tha a nei dawn a ni a ti.
Kawlphetha renchem kawnga hmalakna hi tunthla atang hian Lawngtlai District ah kalpui tan a ni a, kumin kumtawp thleng awhturin ruahmanna siam niin, Zirna In a Energy Club te chuan hmalakna hrang hrang, thuziak sem leh kawthler a tarte, In tinah luta kawlphetha renchem dan zirtirte an kalpui dawn a, Energy Club te tan Essay leh Painting Competition buatsaih a ni bawk ang.
Energy Club te tan an mamawhtur bungrua leh hmalakna tur pawisafai sem nghal a ni a, Zirtirtu kalkhawmte atangin hriatthiamloh an neihte zawhna hun hawn niin, an hriatfiahlohte hrilhfiah nghal a ni.
Tags
News