CEM in M.Kawnpui ah Revenue Division thar a hawng.

Vawiin hian khan Pu V. Zirsanga, CEM Lai Autonomous District Council chuan M. Kawnpuiah Land Revenue & Settlement , M. Kawnpui Division,  a hawng.

Land Revenue & Settlement  , M. Kawnpui Division hawnna inkhawmhi bialtu MDC Pu N. Zangura'n kaihruaiin, Pu V. Zirsanga,  chuan Land Revenue & Settlement Office, M. Kawnpui Division hawn a ni chu lawmawm a tih thusawiin, M. Kawnpui khua leh a chhehvel khua ten tangkai taka an chhawr a duh thu a sawi a,  CEM chuan   Ram leh hnam chhan nan hriatna leh thiamna a pawimawh tih sawiin, sorkar hna avang tulh tulh a, sorkar hnain min daih vek lo, hetah tak hian eng kawng pawh zawh dawn ila, hriatna leh thiam kan neih a tul a ni, a ti.

CEM chuan sorkar tha a awm theihna turin mipui ten sorkar kan thawhpui that a ngai a ni, a ti a. chhiah  pek that chu khua leh tui tha nihna a nih thu a sawi. Sorkarin sum thahnem tak a nei lova, a tahtawl te tein hmasawnna hna pawh thawh a ngai a, tuna office atan a kan luah mek VC House pawh hi kan luah rei dawn lova, office leh quarter pawh kan sa thuai ang, a ti.

Pu V. Zirsanga chuan tunlaiah politic kan lak dan hi a chhe em em a, party dang leh kan khingpuite sawi chhiat vak vak kan ching a, hei hi a tha lo hle. Politic lo chuan ram a kal thei lova, Lawngtlai West bial mipui ten tuna kan dinhmun hi kan hriat chian a ngai a. Politic ah lei rem kan rah loh chuan he bial hian hma a sawn ngai dawn lo, Mizoram politic dinhmun thlir chungin thutlukna kan siam a ngai a ni, a ti.

Land Revenue & Settlement Office, M. Kawnpui Division-ah hian  Revenue Officer pakhat, , LDC pahnih leh CS-II pakhat   4th Grade pakhat    an awm m
ek.