P&E a E.E leh MJA hruaitute an inkawm.

        Lawngtlai Power & Electricity Division a Executive Engineer, Er. Ramdinsanga chuan vawiin khan Lawngtlai District MJA te thingpui inpuiin, hmasawnna tur hrang hrangte an sawiho.

      
     Er.Ramdinsanga hian kumin March thlatawp lam khan Lawngtlai Power Division ah E.E hna a zawm a, inhmelhriatna nipahfawmin vawiin khan Lawngtlai District MJA te thingpui inpuiin, Lawngtlai District leh Lawngtlai kaltlanga khawlphetha lachhawng Siaha District lam ten mumal zawka kawlphetha an dawn theih nan a ruahmanna awm hrang hrang te E.E hian sawiin, Lunglei atanga kawlphetha lakna hruipui leh Chawnhu Lawngtlaia khawl te chu tichangturin hmalak mek a ni a ti a, Bungtlang South Power line, Paithar tlangdung paltlang   chu   KMMTTP kawngpui hrulah  sawn tum a nih thu a sawi a, Parva-III a Raltlanten kawlphetha hmanman an chawi chungchang zawhna chhangin E.E chuan Energy chu a thlawna hman ngawt theih a nilova, a hmingin an tana phurrit loturin Connection pakhatah thlakhat ah Rs.50/- chawitura tih an nih thu a sawi.  Mipuiten Power & Electricity Department thawhpuina thatak an nei thin chu lawmawm a tihthu a sawi.

        Lawngtlai District MJA te hi an President Pu Lalngheta Ralte chuan hovin, Power & Electricity Department in a theih ang anga hmalam an pan zel chu lawmawm an tihthu sawiin, mipui phurrit siamsak lo zawnga inherrem chho zel tura an duh thute sawiin, P&E Department in an rawngbawlsak mipuite ngaipawimawha Power dinhmun rang taka an puangzar thin chu lawmawm an tih an sawi a, E.E chuan Chanchinbumiten an Department hmasawnnatura rawtna an neihte chu theihtawp chhuaha lo bawhzui a tum thu a sawi.