.jpg)
Tunhnai ah Tlawmngaipawlte nawrna vang a ngaihtheihin DC&MA Minister chu thlak niin, Minister dang kutah DC&MA chu dah a ni a, a lawmawm leh lawmamloh lam hi sawi kan tum a ni lova, DC&MA Minister chu tupawh nisela, District Council te ngaihven a ngaihtuaha, an tana Pa chanchang apiang chu ADC te tan an thlamuanpui tur a ni mai.
ADC te hian hungbik ngaite, dawmkan bik ngai an nihna te, an huang chhunga thuneihna hran neia, ro an inrel venate hi zahsak an phu a, hmasawnna ruhrel lian tak tak awm thluah mahse, hnam an nihna leh mahnia inrelbawlna hran nei an nihna hi chawinuna, tungdinga, tlar hmasa lamah dah a nihloh chuan hmasawnna a khairual tak tak lo anga, an mahni ram ngei ah thiam taka inchimralna bul tanna hmanrua kan chhawpsak theihna te pawh a awm theiin a rinawm.
ADC te hian hmasawn an duhlo a nilo, an Politics virvel pawh nuihza siamnan a hman ngawt chi a nilo, kha chen kha an vote duh vanga lo bumduhtu khan a enkawla, siamthat hleihtheih tawh siloh sernung a siama, heng ADC mipui rilru na hi, Assembly House a ngaihdam dil leh, hnachanpual midang kutah dah ngawt hian a thawidam dawn lova, an phu tawk leh an chanvo tur an hmuh ngei theih nan DC&MA Minister thar hian hma a lak a tul a, chu chu mipuiin an thlir ber pawh a ni a, thuneihna sangzawk te, sum leh pai tamzawk te hi ADC te hian an phu a, sum siamna hmun nilovin, sum hmanga awmzeneia mipui dawmkanna hmun lo ni mawlh teh se.