Krismas lawmturin Lawngtlai District mipuite an inbuatsaihfel tawh a, Kohhran hrang hrang te pawn hlim taka Krismas lawmtura inbuatsaihna an peihfel tawhin, Lawngtlai Bazar pawh nidang aiin a thawl hret.
Vawiin hi Krismas hma a Bazar ni hnuhnungber niin, Lawngtlai Bazar chu Thingtlang lama a chakkhai lamten an khawlam an pan deuhvek tawh vangin nidang aiin a thawl deuh a, khawpui chhung ami ten chakkhai lam nan an hmang nasa ve thung.
Kumin hian Sumdawng leh dawrkaite chuan sum lengvak a tlem deuh niin an sawi a, mipui tamdan atanga tehin thilleitu erawh kumdang aiin an tlem in a hriat a, mipuiten mahni mamawh chauh lei an chin nasat vangte, Online Bazar lamah mamawhtur angte an lo leilawk nasat tawh vangte niin a hriat.
Lawngtlai Police leh Branch YLA te chuan hunpui vuakvet ah khawpui chhung venhimna hna an thawk mek a, kumdang ang bawkin kumin hian Krismas chibai buknan a thilpek hlan thawm hriattur a tamin, Lawngtlai DC leh LADC a Chief Executive Member te chuan mipuite Krismas chibaibukin duhsakna an hlan.