Thawkkhatlai khan Minister pakhat khan Double Engine Sorkar kha a sawi leh zeuh thin a, State leh Council a Political Party pakhat kaihhruai Sorkar din a pawimawhzia leh chutiang a nih chuan khawlpui pakhat hmanga hnathawh thin kha, khawlpui pahnih hmangin a thawhtheih dawn a, hmasawnna pawh a zuan a zuang dawrh dawrh tur a ni, a tihna ni tur ah ngaih ani.
Mak deuh mai chu, Central Sorkar hian State a an Sorkar lohna te hi an hrek ngai em le ? State Sorkar hian District Council ah an zawmpui an Sorkar lohin an hrek thin em le ? Hetianga inhrekna hi awm tase, chutiang tithinte chu mipui thlan Sorkar siamna ram ah thuneihna chang chi a niin a rinawm loh.
Tute emaw an Sorkar loha ro riau tura mipui inngaihtir hi Democracy ram ah Campaign na hmanrua atan a Democracy lo ber mai awm mange. Tichuan LADC Area ah hian Double Engine chu a awmsa a, State Sorkarin theihtawp chhuahin hma a la renga, District Council in a tihtur a ti mawlh mawlh reng a, hei aia Double Engine hi a awmchuanglo tih hria ila, an pheikhai a rual a tul a, an bawhlam ah an inthurual thiam a tul a, an tha tichak tura hmalatheitu lamin an lak hian hmasawnna chu a chak mai dawn a, hnathawk tha na na na chu eng Party pawhnise ram mipuiten an bawh ngei ngei ang. Double Engine kan neihsa hi a tangkaidan tur angin i hmang chho zel ang u, chu chu ram leh hnam tan pawh hmasawnna tur ani.