.jpg)
Krismas thlennan thlakhat tha awr a la awm a,kumin hian harsatna liantham awmlovin, Krismas leh kumthar chu mipuiten an lawm thei turah ngai ila, kumtin a khap thin, Halpuah leh halmawi lam chi hi kumin chu khaploh law law nise a tha awm mange.
Khaptuten an khapchhan hi sawiselna tur a awmlo, thilthatak a ni. Hetihrual hian zawm a hlawh tak tak thinlo tih hrechiangtu chu mipui an ni a, Sorkar tan paw’n, zawm hlawh chuanglo khapfo ai chuan, awmzeneia herdanglamtura hmalak hi tihawmtak niin a hriat.
Abikin kumhlui thlahzan ah, zanlaiah kumhlui thlahna leh kumthar lawmnan, halpuah leh halmawi lam hi hal nasat a ni thin a, sum luangral te hi a uitu lamin ui viau mahse, a haltu lamten helamhawia ngaihtuah an sen siloh chuan awmzia a neithui thei lova, a bengchheng zawnga thlirtu tan pawh thalai sukthlek mila ngaihtuahna hmangthiamlo nih hlawh a awl khawp ang.
Heng halpuah leh halmawi lamchi hi kumin chu khaplo law law ila, khaplo tih vanga mahni duhna leh remchan ang anga hal mai mai erawh remtilo thung ila.
Kumhlui thlahzan ang ah te, khawilai emaw hmunremchangah a huhova halna tur ruahman nise, a vengbil ang thleng pawn hetiang hmun remchang an neih chuan hal phalsakin, a himtawk leh tawklohte thuneituten enfiah vek sela, kumin chu heng halpuah leh halmawite hi midang tihlimtu leh hun hman tinuamtu atan hman nise a duhawm ngawt ang.