Vawiin Ni 12.11.2022 khan Lawngtlai East Bialtu MLA, Pu H.Biakzaua, Vice Chairman Agriculture Development Board chuan Lawngtlai District Thaltlang khua leh Sentetfiang khua a Health Clinic pahnih te a hawng.
Hawnna inkhawm hi Lawngtlai District Chief Medical Officer Dr. LP Malsawma'n kai hruaiin district report tlangpui a pe .
Pu H.Biakzaua chuan hetiang a ruahmanna lo puitlingta chu lawmawm atih thu leh abiktakin he project tih hlawhtlinna atana hmalaksaktu Chief Minister zahawmtak Pu Zoramthanga leh Health Minister zahawm Dr.R.Lalthangliana te chhungah lawmthu a sawi a, Health Clinic chu mipuiten ṭangkai taka an hman a beisei thu asawi bawk.
Thaltlang leh Sentetfiang khua a Health Clinic Centre ah te hian Health Worker 1 ve ve awm in Helper 1 ve ve an awm anga, ASHA thawktu 1 ve ve in an thawhpui bawk dawn ani.
Pu H.Biakzaua hi LADC Sorkar hotute leh Sangau lam Sorkar Official te leh Party hruaitu engemaw zatin an ṭawiawm a ni.