Editorial || TEIREI PEIH A TUL.

Ran khuah- khirhna thupek chhuah a ni a, kawngpui tihnawk zawnga lirthei leh bungrua dah remtih a nilova, ruihhlo khap a ni a, mipui tan an khawsakna atana thaturin thuneituten khapna thupek an chhuah fo thin.

Hmanni lawk ah pawh kawngpui humhalhna ah hmalak tan a ni a, dan mit atanga hnawkte chu sengfel tura tih a ni a, hmalakna hi khawpui chhung ah kalpui zuizel tura ruahman a ni nghe nghe a, a lawmawm khawp mai.

Kan thiltih reng rengah teirei peih a tula, lehkhachhe hal maiang, rikhluai ringawt hian awmzia a neithui thinlo tih chu a hrechiangtute kan ni vek a, kawngpui chungchang ani emaw, ran khuahkhirh a ni emaw, ruihhlodo a ni emaw, engthil pawhnise, kalphung leh ngaiah neihtheih khawpa mipui rilru herem a nihhma chuan beih fat fat a tula, chu chu khapna thupek in awmzia a neih a, a chhawr tangkaiturten a hlawkna an hmuh huntur chu a ni.

Mipui lam pawn tihtur an ngah, khap kher lova nunphung pangngai zawha, midang tana hnawksak nilo maitur hi, tute emaw khap leh khak kher nghah te hi a fuhlova, mihring nundan pangngaiah midang tana harsatna siam duhlo thlah kalzelah, nunho thiamlohna hian minchiah hneh chho ta lutuk hi veitham a tling a, chhungkua atang pawn khawtlangnun siamthat nan a beihpui thlak hi a tul viauin a hriat ani.