.jpg)
Keinin an himnatur kan ngaihtuaha, an chennatur, ei leh in, an thlarau damna tur thlengin kan lo ngaihtuaha, annin ruihhlo hmangin min rullet fo mai a, heihi ani, YLA Kumpuan hawnna ah CEM in rilru natak a a sawi kha.
He Column ah ngei pawh hian kan sawi zeuh zeuh a, ngaihpawimawh erawh a hlawh nep deuh, keinin Raltlan tiin ID Card thlengin kan lo siamsaka, Myanmar ID Card kan hrensak leh silova, an duh duhin ramri an kana, Ram pahnih ah khua leh tui nihna an neikawp a ni deuh ber mai.
Helaia kan lo tuamhlawmte hian lainatna, khawngaihna hi an hrethiamlo vek anilo tih chu sawithui a ngai lovang, hetianga remchang zawnga, ruihhlo kalkawng leh zawrh nana hmangtute hi, Raltlan te hian zawngchhuakin, tan la sela, anmahni atang hian do rawh se, chu chu an tihtur a nihna chin pawh a awm.
Awmzeneia enkawl an ngaia, tuna an duh dan anga an khawsa ringawt hi chu kawng hrang hrangin kan tuar meka, kan tawrhna hi a zual tulh tulh dawn, khawsak harsa zawk, ram leilung fate eizawnna thlengin a nghawng chho meka, kan unaute minti ve duhlotute tan keinin kan dawh reng hian tawpchin a neithei tih an hriat a tha a, chu chu hnam khat nihna ah pawh thil thalo zawk a thlenloh nana hmalakna kalpui chu an tih makmawh a ni ve in a hriat ani.