Lawngtlai a Ei leh In siamna leh zawrhna hmunte Food Safety Inspection Team ten an fang.

       Lawngtlaia Ei leh In siamna leh zawrhna  hmunte, Food Safety Inspection Team ten enfiahin, duhthusamlolai te siamthaturin thurawn an pe.

Vawiin khan Lawngtlai District Food Safety Committee thurel  bawhzuiin,  Food Safety Inspection Team te chuan Lawngtlaia Ei leh Intur siamtute leh zawrhna hmunte tlawhin, Ei leh In an siamdan leh sawngbawldante, an zawrh danah   Sorkar duhdan a nih leh nihloh an enfiaha, duhthusamlo lai deuh awmte chu siamthaturin thurawn an pe nghal.

Food Safety Inspction Team te hi Pu Samuel Lalmalsawma Sailo, Sub Deputy Commissioner, Lawngtlai in a hova, Team Member ah hian State Sorkar leh Lai Autonomous District Council a helam kaihhnawih Department aiawhte an tel

Vawiina endikna ah hian Lawngtlai Chandmari huamchhunga Thingpui Dawr, Restaurant leh Eitur siamna hmun leh zawrhna te an fangkuala, Lawngtlai khawpuia Eitur siamna leh zawrhna  hmundangte pawh a tahtawlin Food Safety Inspection Team te hian an fangchhuak vek dawn a ni.

Team Leader, Pu Samuel Lalmalsawma Sailo, Sub Deputy Commissioner, Lawngtlai chuan, Mipui hriselna atan eitur hrisel leh thianghlim zawk a awmtheih nan a hmala an nih thu a sawi a, The Food and Safety Standards Act, 2006 in a phut angin ei leh in siamna , sa zawrhna te chu thianghlim thei ang bera vawn tur a ni a, tho leh rannung dang te pawhin an bawm mai mai theihin dah tur a ni lo, a ti a, thupek leh dan dinglai zawm lo te chu mipui tana hri kaidarh theitu an nih mai bakah, dan anga hrem theih an ni ati.

Lawngtlaia Ei leh In siamtu leh zuarchhuaktute chu Food Safety and Standards Authority of India  (FSSAI) hnuaia inziaklut vektura hriattirna Lawngtlai DC chuan a lo chhuah tawh a, Registration hi Chief Medical Officer, Office ah tihtur a ni.