.jpg)
Zurui chu a tukah a harhchhuak mai a, Party ruihchilh ho chu a rei tulh tulha an kawmtlak loh tulh tulh a, an harhchhuak hleithei thinlo. Hawh u, Ram Politics hi vei ila, ruihchilh teh ang u.
Political Party tellovin Ram Politics vei ngawt hian awmzia a neilo tih a chiang a, Party ah hian inhnimpil dan chintawk thiam a tha a, ngaihtuahna tibuaivek khawp, ram hmasawnna aia Party thiltih a nih tawh chuan, a dum leh a var pawh thliar nachang hremanglo khawpin i ruihchilhlo ang u.
Political Party te chuan inthlanpui neihdawnin ram tan an tihtur an puangzar thin a, an thiltihtum, ruahmanna an siamte chu thatak tak vek a ni a, thuneihna an chanin awmzia thuitak erawh hmuhtur a awm thinlo lai hi a veiawm lai niin a hriat a, heivang hian mithar an tha ang tih ngawt pawh a fuh chuangin a hriatloh.
A pawimawhber lai ni a lang chu, mipuiin Ram Politics an ruihchilh a, ram hmasawnna tur atan Sorkar an nawrngam a tul a, therhlo leh eng i lo mai maia lungawilovin, a nawlpuia chhawrtangkai theih hmasawnna lam mipuiin an ngaihpawimawh tlat chuan, ram hruaitute pawn chulam chu an hawi ngamin, hawilo theilo dinhmun ah siam an ngai in a hriat a ni.
Tunangzela kan kal chuan, Mizoram hian tuten emaw an suangtuahna khawvel zatve pawh hi kan thleng har viauin a rinawm. Hawh u mipui lam hian kan sukthlek hi thlak ngam teh ang u, awmzia a nei thui ngawt ang.