.jpg)
Lawngtlai khawpuiin Leivung a buaipuina hi a rei ta viau a, KMMTTP kawngpui laihma khan, Lunglei leh Siaha lam kawngpui kam ah paih a ni thin a, vawi engemawzat chu kawngthlang lam ah nawrliam nimahse, reiloteah chhunvum a ni leh thin a, tunhnai chhoah KMMTTP kawngpui kam ah paih a ni leh ta a, a chinfel dantur hi thuneitu lamten an ngaihtuah a hun khawp mai.
Leivung hi hnawksak a tling a, duh duhna laia paih ngawt hi chhiatna thlentu, midang tana harsatna siamtu, ram tichhiaa, lui thlenga nghawng thalo thlentu a nithei tih chu mitin hriatsa a ni a, mumal taka paihna tur a awm lohvang hian, kawngpuikamah paih a nifo thin niber in a hriat.
Tuna National Highway 54 laihmek ah te, KMMTTP ah te hian Leivung paihna tur bik ruahmanna mumaltak a awmturah ngai ila, chung hmunte chu mipuiin hmantawm ve mai dan te a awm angem ? Lawngtlai khawpui tan leivung paihna biktur hi ruahmanna engchennge kalpui a nih tawh a, enge hmabak awm tihte hriat a chakawm a, a paihna tur ruahman a nih siloh chuan, kawngpui kam a paih hi a reh maiin a rinawmloh.