MLA Pu H. Biakzaua chuan thusawiin, "Lungtian in supply godown kan nei thei chu alawmawm hle a ti a. Supply Godown kan neihna tur atana ngaihtuahna min sensaktu kan Chief Minister Pu Zoramthanga leh Supply Minister Pu K. Lalrinliana chungah lawmthu ka sawi a ni, a ti a.
Covid hrileng karah sawrkar hmalakna hrang hrang leh thil hawn tur a nei reng chu, alawmawm hle a, oil, gas, buhfai ah te mipuiah harsatna a awmlo chu, Pu Zoramthanga kaihhruai sawrkar hi a awm mai mai lova, a takin hna a thawk a ni, a ti.
MNF Party chu, "Pathian leh kan ram tan" titu party awm chhun khawvelah a ni a, harsatna hrang hrang tawk ve thin mah se, a hun taka Mizoram enkawl turin Lalpan min buatsaih a ni, a ti.
Lungtian a Supply Godown building hi NABARD hnuai atanga thawh niin, Dt. 20.11.2020 atanga thawhtan a ni a, dt. 25.2.2022 ah thawh zawh a ni. He hna hi Babie Construction & Consultancy services ten an thawk.
MLA hi FCS&CA Official te bak ah Lai Autonomous District Council a Executive Member te Pu Lallawmsanga Apetow , Pu L. Daniala , Pu BN Thangpuia , Pu C. Hrangthianga , Pu Sanghuliana Mualchin Chairman, Town Committee leh party hruaitu mi engemaw zatin an tawiawm a ni.