Lawngtlai East MLA in LADC kutah Mar Boat a hlan.

    Lawngtlai District chhung, Sangau RD Block leh Lunglei District inkalpawhna kawng pawimawhtak, Thlengang kaltlanga Sangau RD Block panna Chhimtuipui ah Lirthei leh khualzin thiarkainatur Mar Boat chu vawiin khan Lawngtlai East MLA, Pu H.Biakzaua, Mizoram Sorkara Vice Chairman, Agriculture Development Board chuan Lai Autonomous District Council Sorkar kut ah a hlan.

    Mar Boat hlanna ah hian Pu H.Biakzaua chuan, a bikin Sangau RD Block huamchhung tan Mar Boat chu a tangkai hle dawn tih sawiin, hun leh sum sengtlem zawkin Lunglei leh Aizawl lam a kal zung zung theih tawh dawn a, damloh nikhua leh tulbik thil ah pawh awlsamna a siam nasa hle dawn a ni a ti a, Mizoram Sorkarin mipui mamawhna hriaa, MarBoat thatak mai Maurawpkai a dahtur a ruahman chu lawmawm a tih thu a sawi.

    
     Mar Boat leh a enkawltu awmnatur siamna atan Mizoram Sorkar Transport Department chuan Cheng Nuai 20 a ruahman a, Nov.11, 2021 atanga thawhtan niin , April 27, 2022 ah zawhfel a ni a, vawiin khan Pu H.Biakzaua chuan LADC Sorkar in a enkawlzui turin, LADC a Inland Waterways changtu Executive Member, Pu L. Daniala hnenah a hlan.