Lawngtlai District chhungah Buhfai dinhmun a tha a, fur laia eitur chhekkhawl vek a nih vangin harsatna thleng hriattur a awmlo.
Lawngtlai District chhung, a bikin Bungtlang South RD Block leh Chawngte RD Block huamchhung, DCSO Lawngtlai in a enkawl chin te chu, fur ruahtui tlakhnu ah Buhfai phur lirthei tan kal a harsat deuh thin vangin, kumtiin, thallaiin Buhfai chhekkhawl a ni thin a, heivang hian, tun Nikir khawcheng karah pawh mipuiten harsatna liantham Buhfai ah an tawklo.
Lawngtlai DCSO Pu Lalrinsanga chuan Buhfai chhekkhawlna Kudam an neih ah te mipui mamawh khawp dahkhawl vek a ni a ti a, Lawngtlai leh Sangau RD Block chhunga Kudam te pawh mipui mamawh khawp Buhfai chhekkhawl niin, kawngpuiin a pawhthat khua ah te chuan a hranpa a Furlai a an eitur chhekkhawl ngailovin chatlak lovin pekchhuah reng a ni.
Lawngtlai a FCI Kudam ah pawh Buhfai mamawh khawp a awm a, FCI Kudam atang hian State Sorkar in a pekchhuahtur lachhuakin, Lawngtlai AOC venga Kudam puiah dahluh a ni a, hetang hian Lawngtlai leh Siaha District a Kudam hrang hrang ah semdarh thin a ni a, harsatna thleng a awmlo.