Green Mizoram Day pualin KMMTTP kawng kamah thing phun ani.

     Kum 1999 atanga hman tan Green Mizoram Day pualin vawiin khan Lawngtlai a Sorkar Department hrang hrang bakah Central YLA leh MJA Lawngtlai District ten KMMTTP kawngpui kam ah thing tiak an phun.

    June 11 a hman thin Green Mizoram Day chu Inrinni a nih vangin, remchanzawkna vangin vawikhan Lawngtlai ah hman a ni a, he Ni puala inkhawmtawi, DC Office tuala neih a, LADC a CEM mawhphurhna lamektu, Pu Lallawmsanga Apetow chuan hmasawnna hnathawhten ramngaw a tichereu nasa tih sawiin, a bikin Lawngtlai District chhungah kawngpui sial vangin ramngaw a chhe nasa a, uar zawkin ramngaw siambelh turin thing phun a ngai a ni a ti. He hun ah hian kumkalta a kangmei vengtha khua leh veng hnen ah chawimawina hlan a ni a, Kangmei vengthaber ah Archhuang, Pahnihna Siachangkawn, Pathumna Vaivakawn, Vawmbuk thlan a ni.

    Hemi hnu KMMTTP kawngpui kam ah thing tiak phun a ni ,a thataka hung nghal vek niin, LADC a Forest Department chuan an enkawlzui dawn a ni.

    
        Report a a landanin Green Mizoram Day lo hmantawh a thingphun chu 1485 a nung tha a, vawiin a phunbelh 350 nen a vaiin thing 1835 phun a ni tawh.