Editorial || KHAPNA THUPEK HI.

Tihlohtur, dan phalloh chiangtaka awmsa a awm teuhva, hemipiahlam ah hian, mamawhna leh a tulna vangten District Magistrate chuan Khapna thupek, dan in thuneihna a pek hmangin a chhuah thei a, khapna thupek hi chhuah a ni fo thin.

Ran khuahkhrihte, kawngpui enkawldan chungchangah te, nitina kan khawsakna atana thilthatur a ngaih ah te, a tikhaihlak emaw, tichhethei laka mipui him nan khapna thupek eng eng emaw chhuah a ni thin hian thla a ti muanga, Sorkar chu mipui vanga awm a ni tih a lanfiahtir thin.

Khapna thupekchhuah hi, a kenkawh leh bawhzui lamah hmalakna a mumalloh chuan awmzeneilo, danin thuneihna a pek hmanga khapna thupek a hminga chhuah ve satliah maiah a changfo thin a, helai tak hi thuneituten an ngaihpawimawh tel ngailai a ni awm e.

Khawlaiah Ui chhuah khap a ni thin a, Ui chhuak hmuhtur a awm reng a, kawngpui nekchep zawnga Insakna bungrua leh lirthei dah khap a ni thin a, khapna thupek chuan zawm a hlawh lem hlei lova.

Tunhnaiah District Magistrate chuan Foreign Bike leh Petrol leh Diesel chungchangah khapna thupek a chhuah a, heipawh hi, hun hmasalam a kalphung nen enzawn chuan, engtehvak a nih ring lemlo an lo tam deuh a nih pawhin, an demawm lovang.

Order chhuah a nih chuan, a nihdanturin bawhzui ni rawh se.