.jpg)
Lawngtlai chauh a nilo, Mizoram District hrang hrangah ruihhlo, abikin Damdawi ruihchi a hluarin, thalai tamtak ruihhlo vangin an talbuaimek a, heihian Lawngtlai khawpui pawh a nuai na sawt viau tih a chiang a, khawpui lunlai a awm, Bazar Veng phei chuan Ruihhlo Do lama hmalatu bik Anti Drugs Squad an din hial a, heihian Lawngtlaiah ruihhlo a hluar zia a tifiah in a hriat.
Raltlante hi ruihhlo hluar chhanber an ni tih a hriat miahlova, kutman leh hriatchianfak a awmloh chuan, tullovah inpuh hmingchhiatna a nithei. Hetihrual hian ruihhlo rawn luhka ber chu Myanmar lam ni a a lan vangin, chhuidawn duh tan chuan mawhpuhtur zawn a tiawlsam maithei e.
A rawnluhna te, kengkuala, a zuarchhawngtute, ruihhlo ti thinte hi hruihrual pakhat anga inthlunzawm tlat an ni a, hruihrual chu khawilaiah emaw lo sahchah hian awmzia nei thin mahse, suihzawm a awlsama, chulai chu danpin ngailai a ni thin.
Ruihhlodo hi Spring nembeh ang deuh a ni a, thlah hun ah a ngaia perchho mai thin a ni a, tanrualna tak tak nen a do a tul a, hetia Lawngtlai ah ruihhlo a hluar chho tak ah chuan, hunhmasa lama Central YLA in beihpui a thlak ang khan, mutmawh hnar mawh a neih a ngai a, a nawlpuia kan huatrawn Zu aia hlauhawm leh Thalaite nun tikhawlova, suattu tur Damdawi hlauhawm hi tihtakzet a do a tul khawp mai.